Mömin insan Uca Allahı daim yada salaraq ona sığınır, istək amal və arzularını gerçəkləşməsini yalnız öz Rəbbindən, Pərvərdigarın-dan diləyir. Tanrının zikri ilə həyatına, varlığına məna verən mömin, yaşayıb-yaratmaq üçün çalışır, müqəddəs məqsədlər uğrunda irəli getməkdən zövq alır. Qurani-Kərimin ayələrində öz əksini tapan zikr, bəşərin ümumi psixoloji rahatlığı və ona həyatını tənzimləmək üçün mühüm dayaqdır.
Qarşınızdakı bu kitab islam aləminin böyük filosofu Ayətullah Misbah Yəzdinin qələmi ilə fars dilində yazılmış, Beynəlxalq əl-Müstafa (s) Akademiyasının tələbəsi Oqtay Məhəmmədov tərəfindən Azərbaycan dilinə tərcümə olunmuşdur. Beynəlxalq əl Müstafa (s) Akademiyası tədqiqat şöbəsi hörmətli müəllifə, mütərcimə və kitabın işıq üzü görməsində zəhməti olmuş bütün şəxslərə dərin təşəkkürünü bildirir.
