Dünya katoliklərinin başçısı, Roma Papası XVI Benedikt çərşənbə axşamı, 12 sentyabr, 2006-cı ildə Almaniyanın Regensburq şəhərində yerləşən Ratisbona universitenin tələbə və müəllimləri qarşısındakı çıxışı zamanı ağıl, iman və cihad arasında əlaqələri qabardaraq, İslam dinini zorakılıqda, elm və biliyə qarşı çıxmada günahlandırdı ! O, xristian Bizans imperatoru II Manuel ilə iranlı bir müsəlman alimin dialoqundakı bir neçə cümləyə istinad etdi. Bizans imperatoru belə demişdi:
“Mənə göstərə bilərsənmi ki, Məhəmməd nə yenilik gətirmişdir? Bəyənilməyən və qeyri-humanist addımlarından başqa bir töhfəsi varm? Məsələn, o hökm edir ki, təyin etdiyi iman qılınc gücünə yayılmalıdır”
Roma Papası qeyd edilən tarixi bir məqamı xatırlatmaqla, İslama qarşı iki əsassız ittiham irəli sürmüşdür:
1. Zorakılıq və İslamın zor və qılınc gücünə yayılması.
2. Müqəddəs İslam dininin elm, bilik və ağıla uyğunlaşmaması
