Əziz oxucular! Hamıya mə’lum olduğu kimi imam Hüseyn
(ə) 61-ci hicri-qəməri ili, Məhərrəm ayının onunda (yə’ni Aşura
günü) haqqı yer üzündə bərpa etmək üçün öz səhabələri ilə
birlikdə qiyam edərək düşmən tərəfindən amansızcasına qətlə
yetirildilər. O həzrət (ə) öz qiyam və şəhadəti ilə İslamı yenidən
dirçəldib özündən sonrakı nəsillərə “Zülm və zalımlar qarşısında
heç vaxt təslim olmayın!”-ideasını töhvə verərək bəşəriyyət
tarixinin ən qaranlıq dövürlərini əbədi olaraq işıqlandırdı.
İmam Hüseyn (ə) Aşura günü təpədən dırnağadək silahlanmış
otuz min düşmən qarşısında «Alçaqlıq və zillət bizdən çox-çox uzaqdır.» – sədasını, bütünazad insanlara çatdırdı. Peyğəmbəri Əkrəm (s) də bir hədisdə belə buyurur:
«Hər kəs öz istəyi ilə zilləti qəbul etsə, Biz əhli-beytdən deyil.» Qarşınızda olan bu kitab həzrət imam Hüseyn (ə)-ın qiyamının fəlsəfə və fəziləti haqqındadır. Bu kitabın Allahın razılığına və əziz oxucular tərəfindən rəğbətlə qarşılanmasına səbəb olaacağına böyük ümid bəsləyirəm. İnşaallah!
